Tuesday, June 25, 2013

சில சுவாரஸ்யங்கள்: SEVEN EVOLUTIONARY LEFTOVERS IN THE HUMAN BODY- மனித உடலில் பரிணாமத்தின் மிச்சங்கள் - 1

மக்களே...!!!

செல் அமைப்பு தொடர்ல தாவரங்களில் உணவு தயாரிக்கும் முறை பத்தி பார்த்திட்டு இருந்தோம். அதுல சூரிய ஒளி சார்ந்த வினைகள் பத்தி ஓரளவுக்கு விளக்கமாவே பார்த்திட்டோம். அடுத்ததா, இருட்டு வினைகள் (DARK REACTIONS ) பத்தின அறிமுகப்பதிவோட நிக்கிது. இன்னும் பார்க்க வேண்டியது நெறைய இருக்கு. கூடிய சீக்கிரமே எல்லாத்தையும் விளக்கமா பார்க்கலாம். சில சுவாரஸ்யங்கள் பகுதிக்கு ஒரு மேட்டர் கெடைச்சது. அது தான் இன்னைக்கு பதிவு.

சில சமயம் சில விநோதங்களை பார்த்திருப்போம். உதாரணத்துக்கு - பறக்க முடியாத கோழிக்கு இறக்கை, அதேப்போல மெக்ஸிகோவுல குகைகளில் வாழற BLIND FISH அப்படிங்கற ஒரு மீனை கண்டுபுடிச்சிருக்காங்க. அதுக்கு கண் மாதிரியான ஒரு அமைப்பு இருக்கு, இருந்தாலும் அதால பார்க்க முடியாது. அதாவது, அதுக்கு கண் இருக்கு, ஆனா, அது வேலை செய்யாது. இதையெல்லாம் பார்க்கும் போது, நமக்கு ஒரு கேள்வி கண்டிப்பா தோணும். தேவையே இல்லாம எதுக்காக இப்படி ஒரு உறுப்பை வெக்கணும் அப்படிங்கறதா தான் அது இருக்கும். ஆனா, நாம தெரிஞ்சிக்க வேண்டிய விஷயம் என்னன்னா, அந்த உறுப்புகள் எல்லாம் ஒரு காலத்துல, அனேகமா அந்த குறிப்பிட்ட விலங்குகளோட மூதாதையர்கள் அதாவது முதன் முதல்ல இந்த விலங்குகள் உருவான சமயத்துல இந்த உறுப்புகள் பயன்பாட்டுல இருந்திருக்கும். பின்னாடி, காலப்போக்குல அதனோட தேவை இல்லாம போயிருந்திருக்கும். உதாரணமா, மனித உடலில் இருக்கிற குடல் வால்.

பரிணாமம் அப்படிங்கறது இப்படிதான் இருக்கும். இப்படிதான் நடக்கும். தேவைக்கு ஏற்ப புதுப்புது உறுப்புகள் உருவாகறதும், தேவையில்லாத உறுப்புகள் கொஞ்சம் கொஞ்சமா மறைஞ்சி போறதும் தான் ஒரு இனம் இன்னொரு இனமா பரிணாமம் அடையிது அப்படின்னு சொல்றாங்க. பின்னாடி வாலோட, நாலு கால்ல நடந்திட்டு இருந்த குரங்கு மரமேறி விளையாடிட்டு இருந்தப்போ அதுக்கு வால் தேவைப்பட்டுச்சி. அதுவே நிமிர்ந்து நடக்க ஆரம்பிச்சதும், வாலோட உபயோகம் குறைஞ்சி தேவைக்கு ஏற்ப அது பின்னாடி காணாமலே போயிடுச்சி. குரங்கு இனம் பின்னாடி மனித இனமா உருவாயிடுச்சி. இது எல்லாமே நமக்கு நல்லா தெரிஞ்சது தானே, இதுல சுவாரஸ்யமான விஷயம் என்னன்னு கேக்கறிங்களா ? இருக்கு. சொல்றேன் அதுக்கு, நாம இன்னைக்கு பதிவுக்கு போகணும்.

இப்படி ஒரு இனம் இன்னொரு இனமா மாறிட்டாலும், அந்த பழைய உறுப்புக்கள், சில இனங்கள்ல மொத்தமா மறைஞ்சிடாம அப்படியே தங்கிடும். அது மாதிரி குரங்கு மனிதனா மாறிட்டாலும் கூட, போன இனத்து மிச்சம் ஏதாவது இருக்கா அப்படின்னு தெரிஞ்சிக்க தேடினப்போ கிடைச்ச சில தகவல்கள் தான், இன்றைய சில சுவாரஸ்யங்கள் பதிவு.

ஆனா, இன்னொரு விசயமும் நாம தெரிஞ்சிக்கணும். இந்த பயனற்ற உறுப்புக்கள் அப்படின்னு நாம நெனச்சிட்டு இருக்கிற எல்லாமே நிஜமா பயன் இல்லாதது அப்படின்னு நம்மளால உறுதியா சொல்ல முடியாது. இப்படி வேணும்ன்னா சொல்லிக்கலாம். அந்த உறுப்புகளோட தற்போதைய வேலை என்ன, இப்போ குறிப்பிட்ட உயிரினம் எப்படி அதை பயன்படுத்திக்குது அப்படின்னு இன்னும் நமக்கு தெரிய வரல அப்படின்னு வேணும்னா, வெச்சிக்கலாம். உதாரணமா, மனித அப்பன்டிக்ஸ் - குடல் வால், மனிதன் முன்னொரு காலத்துல காட்டுல நாடோடியா திரிஞ்சிட்டு இருந்தப்போ, மனிதன் பச்சையா, சமைக்காம சாப்பிட்ட தாவர செல்களோட செல்லுலோசை ஜீரணம் செய்ய உதவியா இருந்த ஒரு உறுப்பு. மனிதன் நெருப்பு கண்டுபிடிச்சி, சமைக்க கத்துக்கிட்டதுக்கு அப்புறம், அதன் பயன்பாடு குறைஞ்சி இப்போ ஒரு பயனில்லாத உறுப்பா ஆயிடுச்சி. ஆனா, அதை பயனில்லாதது அப்படின்னு சொல்ல முடியாது. அதுக்கான இப்போதைய பயன்பாடு என்ன அப்படின்னு யாராவது கண்டுபுடிக்கும் போது தான் தெரிய வரும்.


ஓகே...!!! இந்த மாதிரியான உறுப்புகள் இருக்கறது நெஜம்னா, மனித உடலிலும் இது மாதிரி சில இருக்கலாம் இல்லையா ? ஸோ, மனித உடலில் இருக்கிற பரிணாம வளர்ச்சியில உபயோகப்படாம போயிட்ட, ஆனாலும் உடலில் இன்னமும் ஒட்டிட்டு இருக்கிற சில உறுப்புகளை பத்தி நாம பார்க்க போறோம்.

1. HUMAN TAIL BONES - மனித வால் எலும்புகள்

மனிதன் குரங்கா இருக்கும் போது, அதுக்கு வால் இருந்தது. அதே மாதிரி சில இனங்களில் உதாரணம் - தவளை, அதுக்கு விரல்களுக்கு நடுவே ஒரு ஜவ்வு மாதிரி நீந்தறதுக்கு வசதியா ஒரு ஜவ்வு மாதிரி இருக்கும். அதுவே, மனித இனமா மாறினப்போ, அந்த வால் மறைஞ்சிடுச்சி. ஆனா, இப்பவும் மனித குழந்தை உருவாகும் போது அதுக்கு என்ன என்ன இருக்கும் தெரியுமா? தவளை மாதிரி விரல்கள் ஜவ்வு வெச்சி ஒட்டியிருக்கும். குட்டியா வால் கூட இருக்கும். 
 
ஆனா, குழந்தை உருவாகி, கர்பப்பையில வளர வளர இந்தவால் நம்ம உடம்புக்குள்ள போயிடும். வால் எலும்புகள் இப்பவும் நம்ம உடல்ல இருக்கும். நெறைய குழந்தைகள் உலகம் முழுக்க இப்பவும் வாலோட பிறந்ததா பதிவு செய்யப்பட்டிருக்கு.

2. APPENDIX - குடல் வால்

குடல்ல சிறுகுடலும் பெருங்குடலும் இணையிற இடத்துல, நீட்டிட்டு இருக்கிற ஒரு வால் மாதிரியான உறுப்பு. மனிதன் காட்டுல நாடோடியா திரிஞ்சி உணவை வேக வெக்காம சாப்பிட்ட காலத்துல செல்லுலோசை ஜீரணம் பண்ண உதவியா இருந்த உறுப்பு. இப்போ காலப்போக்கில் மனிதன் சமைக்க ஆரம்பிச்சிட்டதால செல்லுலோசை தனியா ஜீரணம் பண்ண வேண்டிய அவசியம் இல்லாம போயிடுச்சி. அதனால ஒரு சிறு விரல் அளவு நீட்சியாக மாறி போயிட்டது.


3. ஞானப் பல் - WISDOM TOOTH 

மனிதனுக்கு 32 பற்கள் அப்படின்னு நமக்கு தெரியும். ஆனா, ஒரு 21-22 வயசு வரைக்கும் நமக்கு 28 பல் தான் இருக்கும், மீதி நாலு பல்லு, அதுக்கு அப்புறம் தான் வரும்னு எத்தனைப் பேருக்கு தெரியும் ? அந்த தாமதமா வர, கடைசி நாலு பல்லு தான் ஞானப்பல் அப்படின்னு சொல்லப்படுது.


பொதுவா, விலங்குகளுக்கு நாலு கடைவாய்ப்பற்கள் இருக்கும். இந்த நாலு பல்லும் விலங்குகளுக்கு கிடைக்கக்கூடிய இறைச்சி உணவை அரைக்கவும், கிழிக்கவும் உபயோகப்படும். ஆனா, மனிதனுக்கு மூணு தான் இருக்கும். அதுவே 21-22 வயசுல இன்னும் ஒரு கடைவாய்ப்பல் வளரும். அது விலங்குகளுக்கு இருக்கும் நாலாவது MOLAR TOOTH - கோரைப்பல்லோட நீட்சி.

4. காது மடல் நீட்சி

மேற்புற, உட்புறம் மடிந்த மனிதக்காது மடல் அமைப்பை எத்தனை பேர் கவனிச்சிருக்கீங்க அப்படின்னு தெரியல. அதுல ஒரு சின்ன நீட்சி இருக்கும். அது குரங்கோட காது மடலோட மேற்புற அமைப்போட நீட்சி.


5.  விட்டமின் - C தயாரிக்க உபயோகப்படும் ஜீன்

மனித குரோமோசோம்ல இருக்கிற பல ஆயிரம் ஜீன்கள்ள விட்டமின் C தயாரிக்க பயன்படும் ஜீன்களும் இருக்கு. ஆனா, அது வேலை செய்யும் திறன் இல்லாதது. அதாவது அந்த ஜீன்கள் மனித இனத்துக்கு முந்தைய நிலை வரை உபயோகத்துல இருந்திருக்கு. ஆனா, மனித இனம் வளர்ந்த பிறகு, சாப்பிடற உணவிலேயே நமக்கு தேவையான அளவு விட்டமின் C கெடைச்சிடறதால, அது வேலை செய்யும் திறனை இழந்து, முந்தைய நிலையோட அடையாளமா இன்னமும் இருக்கு. இந்த மாதிரி இருந்தும், வேலை செய்யும் திறன் இல்லாத ஜீனை சூடோ-ஜீன் - PSEUDO-GENE அப்படின்னு பேரு.

6. ERECTOR PILI - (இதை எப்படி தமிழ் படுத்தறது அப்படின்னு தெரியல...!!!)

குளிர்காலத்துல, நமக்கு குளிரும்போது,  ஏதாவது பயம் மாதிரியான சூழ்நிலை ஏற்படும்போது நம்ம முடி எல்லாம் நிக்கும். இதை எல்லாரும் கவனிச்சிருப்போம். இதுக்கு காரணம் மயிர் கால்கள் சுத்தி இருக்கும் தசைகள் தான். குளிர் மாதிரியான சூழ்நிலையில் நாம எதிர்க்கொள்ளும் பொது மயிர்க்கால்கள் சுத்தி இருக்கும் தசைகள் இறுகி முடியை நேரா நிக்க வெக்கும். இதுக்கு காரணம் நம்ம தோலை குளிர்ல இருந்து காக்க.



இது எப்படி பரிணாமத்தோட மிச்சம் ஆகும்...? இதை பத்தி நான் தெரிஞ்சிக்கிட்டப்போ எனக்கு கொஞ்சம்  ஆச்சர்யம் தான். போன இனம் வரை அதாவது குரங்கு வரை, எல்லா மிருகங்களுக்கும் உடல் முழுதும் முடி இருந்தது. அவங்களுக்கு முறையான தங்கும் இடம் இல்லாம, எல்லா சூழ்நிலையிலும் வாழ வேண்டி இருந்தது. ஸோ, அந்த அந்த பருவ காலங்களில் மிருகங்களை காப்பாத்த முடியை வெச்சி, அதுக்கு இந்த தசைகளை வெச்சி, குளிர்காலத்துல முடியை நேரா நிக்க வெக்க பயன்பட்டது. இது அந்த மிருகங்களுக்கு இயற்கை குடுத்த கொடை. 

இப்போ மனிதனா, பரிணாமம் அடைஞ்சதுக்கு அப்புறம், நாம வாழும் இடம், சூழ்நிலை எல்லாம் மாறிட்டதால நமக்கு முடி தேவைப்படல. உடலில் இருந்த முடி எல்லாம் இப்போ மாறி போயிடுச்சி. ஆனாலும், அந்த தசைகள் மட்டும் இன்னமும் போன இனத்தொட அடையாளமா இருக்கு. குளிர் மாதிரியான சூழ்நிலையில மயிர்க்கால்கள் பக்கத்துல இருந்து அதே வேலையை இன்னமும் செய்திட்டு இருக்கு.


அதே மாதிரி இன்னொரு தசை இருக்கு. AURICULAR MUSCLE - ஆரிக்குலார் தசைகள் அப்படிங்கற ஒரு தசை நம்மளோட காதை சுத்தி இருக்கு. இதுக்கு பெருசா ஒரு வேலையும் கிடையாது. அதுவே, விலங்குகளை எடுத்துக்கிட்டா, அதனுடைய காதை சுத்தி இதே தசைகள் இருக்கு. இதுக்கு என்ன வேலை அப்படின்னா, காதை தேவைக்கு ஏற்ப, தேவைப்பட்ட திசையில் திருப்பறது. முக்கியமா, கழுதை, குதிரை எல்லாவற்றிலும் அதனோட காதுகள் அப்பப்போ திரும்பறது நாம பார்த்திருப்போம். அதுக்கு காரணம் இந்த தசைகள் தான் காரணம்.

 7. VOMERONASAL ORGANS (VNO) - வோமரோ நாசல் ஆர்கன்ஸ் - நுகர் உறுப்பு (தமிழ் படுத்தினது சரியான்னு தெரியல மக்களே ...!!! :-(

பாம்பு மாதிரியான கீழ்மட்ட விலங்குகளிலும், எலி மாதிரியான சில பாலூட்டிகளிலும் மூக்கு பக்கத்தில இந்த உறுப்பு இருக்கும். ஃபிரமோன்ஸ் பத்தி நாம கண்டிப்பா கேள்வி பட்டிருப்போம். ஒவ்வொரு விலங்குக்கும் ஒரு தனிப்பட்ட மிக மிக பிரத்தியோகமான வாசனையை, அதுவும் பாலின தூண்டுதல் செய்யக்கூடிய ஒரு வாசனையை வெளியிடும் திறன் இருக்கும். இது கண்டிப்பா எல்லா விலங்குகளுக்கும் பொருந்தும். உதாரணத்துக்கு எலிகளை எடுத்துக்கலாம். எலின்னு இல்ல, பார்க்க ஒரே மாதிரி இருக்கிற எல்லா விலங்குகளையும் எடுத்துக்கலாம். இவை எல்லாம் பார்க்க ஒரே மாதிரி இருக்கும்போது, எப்படி இதனுடைய ஜோடி எல்லாம் இவைகளை சரியா அடையாளம் கண்டுபிடிக்குது...? இங்க தான் ஃபிரமோன்ஸ் அப்படிங்கற, வாசனை சுரப்பு பெரும் பங்கு வகிக்கிறது. இந்த விலங்குகள் ஒவ்வொன்னுக்கும் ஒரு மாதிரி இருக்கும். இந்த வாசனையை ஞாபகம் வெச்சி தான் ஒவ்வொரு விலங்கும் தன்னுடைய ஜோடியை அடையாளம் வெச்சிக்கிது.


இதுக்கும் இந்த உறுப்புக்கும் என்ன சம்பந்தம்னா, இந்த உறுப்புதான் இந்த குறிப்பிட்ட வாசனையை நுகர உதவி செய்யிது. இதே உறுப்பு மனிதர்களிலும் இன்னமும் இருக்குன்னா நம்புவிங்களா...? ஆனா, அதனுடைய வேலை செய்யும் திறனை இழந்து, சும்மா ஒரு அடையாளத்துக்காக நம்ம மூக்குக்குள்ள இருக்கு. இந்த உறுப்புக்கும் மூளைக்குமான நரம்பு செல்கள் இணைப்பு எதுவும் இல்லை.

ஓகே மக்களே...!!! பரிணாமத்தோட மிச்சங்கள் சிலவற்றையும், அதுக்கான சில சுவாரஸ்யமான காரணங்கள் சிலவும் பார்த்தோம். உங்க கருத்துக்களை பின்னூட்டத்துல சொல்லுங்க.  அடுத்த பதிவுல சிந்திப்போம்.

Saturday, June 22, 2013

நன்றியும் மகிழ்ச்சியும்...!!!

நண்பர்களே...!!!
 
 
 
 
நம்ம உயிர்நுட்பம் FACE BOOK கணக்குல இன்னைக்கு சேர்ந்த திரு. ராஜையா சின்னதுரை அவர்களோட சேர்ந்து நண்பர்கள் எண்ணிக்கை 50- ஐ தொடுகிறது. மிக்க மகிழ்ச்சி, அந்த மகிழ்ச்சியை உங்களோட பகிர்ந்துக்கறேன். எந்த ஒரு குறிக்கோளும், எதிர்ப்பார்ப்பும் இல்லாம விளையாட்டுத்தனமா  ஆரம்பிக்கப்பட்டதே நம்ம உயிர்நுட்பம் வலைப்பூ. ஒரு வழியா, உயிரியல் பத்தி எழுதலாம்னு முடிவு பண்ணி நான் எழுத ஆரம்பிக்கும் போது இதையெல்லாம் யாரு படிப்பா அப்படிங்கற அவநம்பிக்கையோட தான் எழுத ஆரம்பிச்சேன். ஆனா, இன்னைக்கு தினமும் குறைஞ்சது இருநூறு வாசகர்கள் படிக்கிற ஒரு அறிவியல் வலைப்பூ நம்மளோடது. 63 நேரடி பின்தொடர்பவர்கள், 50 நண்பர்கள் FACEBOOK கணக்குல, அது மட்டும் இல்லாம தொடர்ந்து உள்ளூர்ல இருந்தும், வெளிநாடுகள்ல இருந்தும் நான் எழுதினாலும், இல்லைன்னாலும் தொடர்ந்து வருகை தர்ற வாசக நண்பர்கள். அதோட எனக்கு தெரிஞ்ச அளவுக்கு தமிழ்ல, முழுமையா உயிரியல் பத்தி மட்டும் எழுதப்படற ஒரே ஒரு வலைப்பூ நம்ம உயிர்நுட்பம் மட்டும் தான். இந்த பெருமை எல்லாம் உங்க தொடர் ஆதரவுனால மட்டுமே சாத்தியமாச்சி. ஸோ, நம்ம வாசக நண்பர்கள் எல்லாருக்கும் மகிழ்ச்சியும், நன்றியும்.
உங்க ஆதரவை தொடர்ந்து எதிர்ப்பார்க்கிற - உயிர்நுட்பம்.

Wednesday, June 19, 2013

ஒளிச்சேர்க்கை - PHOTOSYNTHESIS - CALVIN CYCLE - கேல்வின் சுழற்சி வினைகள் - ஒரு அறிமுகம் - 2

மக்களே...!!!

நீண்ட இடைவேளைக்கு அப்புறமா எழுதறதால, எழுத்து வேலையில கொஞ்சம் சுணக்கம். நிறைய சொந்த வேலை, என்னோட ஆராய்ச்சி கூட வேலை அப்படின்னு என்னோட  நேரத்தை நிர்வகிக்க வேண்டியிருக்கு. கூடிய சீக்கிரமே எல்லாம் சரியா ஆயிடும்னு நம்புவோம். 

பரிணாமம், செல் அமைப்பு அப்பப்போ மத்த செய்திகள் அப்படின்னு ஒரே சமயத்துல நெறைய எழுதிட்டு இருக்கேன். அதனால, ஒவ்வொரு தொடர்லயும் அடுத்த அடுத்த பதிவுகள் வர தாமதமாகுது. நம்ம நண்பர்கள் மன்னிக்க. கூடிய வரைக்கும் நெறைய இடைவெளி இல்லாம பாத்துக்கறேன். இன்னைக்கி பதிவு ஒளிச்சேர்க்கை பதிவோட தொடர்ச்சி. ஒளிச்சேர்க்கை மூலமா தாவரங்கள் உணவு தயாரித்தல் அப்படிங்கறது ரெண்டு பகுதிகளா நடக்கிற செயல். 

1. சூரிய ஒளியை பயன்படுத்தி ATP மற்றும் NADPH தயாரித்து அதை
   பயன்படுத்தி சக்தி தயாரித்தல் 

2. உருவான சக்தியை பயன்படுத்தி சர்க்கரை மூலக்கூறுகளை
   தயாரித்தல். 


அதனால, இதை சூரிய ஒளி சம்பந்தப்பட்ட மற்றும் சூரிய ஒளி சம்பந்தப்படாத வினைகள் அப்படின்னு ரெண்டு பகுதிகளா பிரிக்கலாம். அதுல சூரிய ஓளி சம்பந்தப்பட்ட வினைகள் பத்தின பதிவு ஏற்கனவே பார்த்திட்டோம். இன்னைக்கு பார்க்கப் போறது சூரிய ஒளி சம்பந்தப்படாத வினைகள் பத்தி. அதாவது, சூரிய ஒளியை அடிப்படையா வெச்சி, குளோரோபிளாஸ்ட்ல தயாரிக்கபடர சக்தியை பயன்படுத்தி, வளிமண்டலத்துல இருக்கும் கார்பன்-டை-ஆக்சைடு, தண்ணீர் மற்றும் தாவரம் தானே தயாரிச்சிக்கிற 5 கார்பன்கள் கொண்ட சர்க்கரை ரிபுலோஸ் - 1,5 - பிஸ் - பாஸ்பேட் - RIBULOSE - 1,5 - BIS - PHOSPHATE மூலக்கூறுகளை மூலப்பொருளாக வெச்சி குளுக்கோஸ்  தயார் செய்யும் வினைகள் தான் நாம பார்க்கப் போறது. 

இதுலயும் ரெண்டு பகுதிகள் இருக்கு. 

1. கார்பன்- டை -ஆக்சைடு மற்றும் தண்ணீர்ல இருந்து தனித்தனி  
   குளுக்கோஸ் மூலக்கூறுகள் தயாரிக்கபடுதல். 

2. தயார் செய்யப்படும் குளுக்கோஸ் மூலக்கூறுகள் இணைந்து ஸ்டார்ச் -
    STARCH உருவாதல்.

அதை பத்தின ஒரு சின்ன அறிமுகம் முதல்ல. இது ஒளி சம்பந்தப்படாத வினைகள் அப்படிங்கறதால இதை இருட்டு வேதி வினைகள் - DARK REACTIONS அப்படின்னு கூட சொல்வாங்க. அதோட, இதை முதன் முதல்ல மெல்வின் கேல்வின் - MELVIN CALVIN, ஜேம்ஸ் பாஷம் - JAMES BASSHAM அப்படிங்கற கலிபோர்னியா பல்கலை கழகத்தை சேர்ந்த ரெண்டு விஞ்ஞானிகள் தான் கண்டுபிடிச்சாங்க. அதனால, இதை கேல்வின் சுழற்சி வினைகள் அப்படின்னும் கூட சொல்வாங்க.  

இதை ஏன் சுழற்சி வினைகள் அப்படின்னு சொல்றாங்கன்னா,  

1. ரிபுலோஸ் - 1,5 - பிஸ்-பாஸ்பேட் - RIBULOSE - 1,5 - BIS-PHOSPHATE
2. கார்பன் - டை - ஆக்சைடு - CARBON - DI - OXIDE
3. தண்ணீர் - WATER

இந்த மூணு மூலப்பொருட்கள் சேர்ந்து சில வேதி வினைகளுக்கு அப்புறம் குளுக்கோஸ் உருவாகும். இந்த வினைகள் நடக்க தேவையான சக்தி இதுக்கு முன்னாடி நடக்கிற சூரிய ஒளி சார்ந்த வினைகள் மூலமா கெடைக்கும். இந்த மூணும் தான் மூலப்பொருட்கள்.  இதுல  

1. ரிபுலோஸ் - 1,5 - பிஸ்-பாஸ்பேட் - RIBULOSE - 1,5 - BIS-PHOSPHATE, குளுக்கோஸ் உருவாகும் போது கூடவே உருவாகிற 5 கார்பன்கள் கொண்ட சர்க்கரை. இது மறுபடியும் கார்பன் டை ஆக்சைடு கூட, அடுத்த சுற்று குளுக்கோஸ் தயாரித்தலுக்கு போய் சேர்ந்துக்கும். இங்கயும் குளுக்கோஸ் உருவானதும் மறுபடியும் போய் அடுத்த சுற்று வினைகளுக்கு சேர்ந்துக்கும். இது ஒரு சுழற்சியாக அடுத்தடுத்து நடந்திட்டே இருக்கும்.


2. கார்பன் டை ஆக்சைடு மற்றும் தண்ணீர் இயற்கையா வெளியில இருந்து கிடைக்க கூடியது. ஸோ, அதனால தான் இது ஒரு சுழற்சி வினைகள் அப்படின்னு சொல்லப்படுது.

கேல்வின் சுழற்சி வினைகள் - இருட்டு வினைகள் - CALVIN CYCLE - DARK REACTIONS

கேல்வின் சுழற்சி வினைகளை பத்தி படிக்க இந்த ஒரு பதிவு கண்டிப்பா பத்தாது. ஏன்னா, இந்த சுழற்சி வினைகள் பத்தின விவரங்களை விளக்கமா பார்க்கறதுக்கு முன்னாடி ஒரு முழு அறிமுகம் நமக்கு தேவைப்படும்னு தோணுது. இந்த, சுழற்சி வினைகளை பத்தின எல்லா பின்னணி விவரங்களையும் முதல்ல சொல்லிட்டு, அடுத்த பதிவுல வேதி வினைகளை பத்தி சொல்றேன். அப்போதான் புரிஞ்சிக்க கொஞ்சம் சுலபமா இருக்கும்.

தாவரங்கள் கார்பன்-டை-ஆக்சைடு பயன்படுத்தி தனக்கு தானே குளுக்கோஸ் தயாரிச்சிக்கும் அப்படின்னு நான் சுலபமா சொல்லிட்டாலும், அது சும்மா அப்படியே ஒரு கார்பன் டை ஆக்சைடு எடுத்து அதை அப்படியே ஒரே ஒரு வேதி வினை மூலமா குளுக்கோஸா மாத்திக்கும்னு அர்த்தம் இல்லை. அது பல அடுத்தடுத்து சுயமா நடக்கிற, 6 தனித்தனி வேதி வினைகள் சேர்ந்த தொகுப்பு. மூன்று கார்பன்-டை-ஆக்சைடு மூலக்கூறுகள் மற்றும் மூன்று ரிபுலோஸ் 1,5 - பிஸ் பாஸ்பேட் - RIBULOSE - 1,5 - BIS - PHOSPHATE மூலக்கூறுகள்ல இருந்து மூன்று கார்பன்கள் கொண்ட சர்க்கரை மூலக்கூறுகள் தயார் பண்ணி, அதனை இன்னும் சில வேதி வினைகளுக்கு உட்படுத்தி கடைசியா குளுக்கோஸ் மற்றும் மறுபடியும் ரிபுலோஸ் - 1,5 - பிஸ் பாஸ்பேட் - RIBULOSE - 1,5 - BIS - PHOSPHATE மூலக்கூறுகளை தயாரிக்கிறது தான் DARK REACTION - கால்வின் சுழற்சி வினைகள்.

இந்த வேதி வினைகளில் சில வேதி வினைகள் நடக்க நெறைய சக்தி தேவைப்படும். இந்த இடத்துல எல்லாம் ATP மற்றும் NADPH மூலக்கூறுகளை பயன்படுத்தி, அதை ADP மற்றும் NADP அப்படின்னு ஒடுக்குவது மூலமா சக்தியை வெளிவர வெச்சி அந்த சக்தியை பயன்படுத்தப்படுகிறது. இங்கன்னு இல்ல, சக்தி தேவைப்படற எல்லா இடத்துலயும் ATP தான் பயன்படுத்தப்படும். அதனால தான் அதை ENERGY CURRENCY அப்படின்னு சொல்றாங்க.

இதுல நடக்கிற எல்லா வினைகளையும் துரிதப்படுத்தறது என்சைம்கள். எல்லாமே என்சைம்கள் முன்னிலையில நடக்கிறது தான். இந்த கேல்வின் சுழற்சி வினைகள்ள முக்கியமான வினை அப்படிங்கறது வளிமண்டல கார்பன்- டை- ஆக்சைடு செல்லுக்குள்ள இருக்கிற ரிபுலோஸ் - 1,5 - பிஸ்-பாஸ்பேட் - RIBULOSE - 1,5 - BIS-PHOSPHATE கூட சேர்ந்து 3-PHOSPHO GLYCERATE - 3-பாஸ்போ கிளிசரேட்-டா மாறரது. இந்த 3-PHOSPHO GLYCERATE - 3-பாஸ்போ கிளிசரேட் இன்னும் சில வேதி வினைகளுக்கு அப்புறம் குளுக்கோஸ் ஆகும். அதாவது, இந்த ஒவ்வொரு சுற்று வினைகள் ஆரம்பிக்கும்போதும் கார்பன்- டை- ஆக்சைடு மூலக்கூறு வழியா ஒரு புது கார்பன் செல்லுக்குள்ள நுழையிது. இந்த வினைகளை நடத்தற என்சைம் RuBisCo  - RIBULOSE-1,5-BISPHOSPHATE CARBOXYLASE OXYGENASE - ருபிஸ்கோ - ரிபுலோஸ் -1,5 - பிஸ் பாஸ்பேட் கார்பாக்சிலேஸ் ஆக்ஸிஜனேஸ். இந்த சுழற்சி வினைகள்ள ஆறு ஏழு வினைகள் இருந்தாலும்  இதை ஏன் முக்கியமான வினை அப்படின்னு சொல்றோம் அப்படின்னா, இந்த வினை நடக்காம தடுத்திட்டா, மொத்த சுழற்சியும் நின்னு போயிடும்.

வளிமண்டல கார்பன்-டை-ஆக்சைடு மூலக்கூறுகளில் இருக்கிற கார்பன் அணுக்களை எடுத்து உபயோகப்படுத்தற இந்த வினைகளை கார்பன் ஃபிக்ஸ்சேஷன் - CARBON  FIXATION - கார்பன் நிலை நிறுத்துதல் அப்படின்னு சொல்வாங்க.

அடுத்ததா, இந்த சுழற்சி வினைகள் பத்தி நான் சொல்ல வேண்டிய ஒரு முக்கியமான தகவல் ஒன்னு இருக்கு. தாவரங்கள் அப்படின்னு பொதுவா நாம சொன்னாலும், அது வளர்ற இடம், சூழ்நிலை எல்லாமே ஒரே மாதிரி இருக்காது. அப்படி இருக்கும் போது குளுக்கோஸ் உருவாகும் இந்த வேதி வினைகள் மட்டும் எல்லா தாவரங்கள்ளயும் ஒரே மாதிரி இருக்குமா என்ன...?

உதாரணத்துக்கு, கேல்வின் வினைகள் நடக்கு கார்பன் டை ஆக்சைடு வெளிய வளிமண்டலத்துள இருந்து தான் இலைக்குள்ள போகும். இதுக்காக இலை மேல ஸ்டொமேடா  அப்படிங்கற திறப்பு இருக்கு. அதேமாதிரி இந்த வினைகள் மூலம், இதுக்கு முன்னாடி நடக்கிற ஒளி சார்ந்த வினைகள் மூலமா கிடைக்கிற ஆக்சிஜன் இதே ஸ்டொமேடா வழியா தான் வெளிய வரும். இந்த வாயுக்கள் வெளிய மற்றும் உள்ள போக ஒவ்வொரு தடவையும் இந்த திறப்பு திறக்கும் போது இந்த தாவரங்களில் இருந்து தண்ணியும் ஆவியா வெளிய போய் வீணாகும். தண்ணீர் நெறைய கிடைக்கிற இடங்கள்ள ஒன்னும் பிரச்சனை இல்ல. அதுவே பாலைவனம் மாதிரியான தண்ணீர் ரொம்ப அரிதா கிடைக்கிற இடங்கள்ள அப்படி இருக்க முடியாது இல்லையா ...???


அதனால, தண்ணீர் மிக குறைவா கிடைக்கிற இடங்கள்ள வளர்ற தாவரங்கள்ள ஒரு மாதிரியும், தண்ணீர் அதிகமா கெடைக்கிற இடங்கள்ள வளர்ற தாவரங்கள்ள ஒரு மாதிரியும் இந்த கேல்வின் சுழற்சி வினைகள் நடக்கும். ஏன்னா, இந்த தாவரங்களோட இலைகளோட உட்கட்டமைப்பு இந்த சூழலுக்கு ஏத்த மாதிரி வேறுபட்டு இருக்கும். இதுக்கு காரணம் கெடைக்கிற கொஞ்சம் தண்ணியும் வெளிய ஆவியா போயிடாம இருக்கிறதுக்காக.

அது எப்படி அப்படிங்கறதை அடுத்தடுத்த பதிவுகள்ள கண்டிப்பா விளக்கமா பார்க்கலாம்.  


ஸோ, இந்த கேல்வின் சுழற்சி வினைகள் கூட மொத்தம் 2 விதம் இருக்கு.


1. C3 PATHWAY - C3 வினைகள் - இது சாதாரண சூழ்நிலையில வளர்ற     தாவரங்கள்ள நடக்கும்


2. C4 PATHWAY - C4 வினைகள் - இது கரும்பு, அன்னாசி போன்ற நிறைய தண்ணீர் தேவை இருக்கிற தாவரங்கள் மற்றும் பாலைவன சூழலில் வளரும் தாவரங்கள்ள நடக்கும்.

இந்த ரெண்டு விதமான வினைகளுக்கும் இருக்கிற வித்தியாசம் என்னன்னா, கேல்வின் சுழற்சி வினைகள்ள கெடைக்கிற முதல் இடைநிலை கரிம வேதிப்பொருள் மூணு கார்பன்கள் கொண்டதா (3-பாஸ்போ கிளிசரேட்) இருந்தா அது C3 வினைகள். அதுவே, நாலு கார்பன்கள் கொண்டதா (ஆக்ஸலோ அசிடேட்) இருந்தா அது C4 வினைகள். இந்த C4 வினைகளும் இரு வேறு விதமா நடக்கும். அதை C4 வினைகள் பத்தி விளக்கமா பார்க்கும் போது சொல்றேன்.  ஸோ, மக்களே ஒளிச்சேர்க்கையோட கேல்வின் சுழற்சி வினைகள் பத்தின அறிமுகம் போதும்னு நெனக்கிறேன். இந்த தொடர்ல அடுத்த பதிவு கேல்வின் வினைகள் பத்தின விளக்கப்பதிவு. ஸோ, அடுத்த பதிவுல சிந்திப்போம்.

Monday, June 17, 2013

அறிவிப்பு...!!!

 அன்பான நண்பர்களுக்கு,

நம்ம உயிர்நுட்பம் FACEBOOK நண்பர் என்னோட கைப்பேசி எண் கேட்டிருந்தார். குடுக்கறதுல எனக்கு தனிப்பட்ட முறையில் எந்த பிரச்சனையும் இல்லன்னாலும், வேற ஒரு பொதுவான பிரச்சனை இருக்கு. நான் இருக்கறது வெளிநாட்டில். நண்பர்கள் என்னை கைப்பேசியில கூப்பிட்டு பேசறது அப்படிங்கறது மிக மிக செலவு புடிக்கிற விஷயம். அது வேண்டாம்னு பார்க்கிறேன். அதனால, உங்களுக்கு என்ன கேக்கணும் அப்படின்னாலும் என்னோட மின்னஞ்சல் முகவரியில ஒரு மின்னஞ்சலை அனுப்பி வைங்க போதும். ஒரு மின்னஞ்சல்ல முடியிற விசயத்துக்கு, காசு செலவு பண்ணி போன் எல்லாம் பண்ண வேண்டாம். 

என்னோட மின்னஞ்சல் - kovamnallathu@gmail.com

வேணும்னா, உங்க கேள்வியோட சேர்த்து, உங்க கைப்பேசி எண்ணையும் அனுப்புங்க. உங்க கேள்வியை, உங்க தேவையை பொறுத்து, தேவைப்பட்டா நானே உங்களுக்கு போன் பண்ணி பேசறேன். நண்பர்கள் புரிஞ்சிக்குவிங்கன்னு நம்பறேன். அடுத்த பதிவுல சிந்திப்போம்.


 

Saturday, June 15, 2013

பணி வழங்குநரின் கவனத்தைக் கவரும் வகையில் ரெஸ்யூமை தயாரிப்பது எப்படி ??? - 2

மக்களே...!!!

நம்ம வலைப்பூவுல வேலை வாய்ப்புக்கு உதவும்படியான பதிவுகள் சில சமயம் போடறது உண்டு இல்லையா...? சமீபத்துல இணையத்துல உலவிக்கிட்டு இருக்கும்போது கெடைச்சது இது. நம்மல்ல எல்லாருக்கும் இருக்கிற ஒரே பிரச்சனை, மிகப்பெரிய பிரச்சனை, விண்ணப்பிக்கும் வேலை வாய்ப்புக்கும், நம்ம தகுதிகள், திறமைகளுக்கும் ஏத்தமாதிரி எப்படி CV தயாரிக்கிறது என்பது தான்.

சரியான முறையில, சரியான வடிவத்துல CV இருக்கணும் அப்படிங்கறது ரொம்ப முக்கியம். வேலை வழங்குனர் முதல்ல நம்ம CV மூலமாதான் நம்மை, நம்ம திறமைகளை அளவிட்டு, அதுக்கு அப்புறம் தான் நம்மை நேர்ல சந்திக்க போறார். ஸோ, நமக்கு பதிலா நம்மை பத்தி, அங்க பேசப்போறது நம்ம CV தான். அந்த CV ஒரு வேலை வழங்குனரை ஈர்த்திட்டா, அந்த வேலை நமக்கு கிடைச்ச மாதிரி தான். எனக்கு கெடைச்ச CV மாதிரியை இங்க குடுக்கறேன்.

உங்களுக்கு உபயோகப்படுமான்னு பாருங்க. பின்னூட்டத்துல சொல்லுங்க.

வேலை புதுசா தேடறவங்களுக்கு 



UN-EMPLOID CV - வேலை புதுசா தேடறவங்களுக்கு
Your Name - பெயர் 
Contact Details (including Town and County) - முகவரி விவரங்கள்
Telephone numbers including mobile contact details - தொலைப்பேசி எண்
Email address & professional address - மின்னஞ்சல் முகவரி

இங்க குறிப்பிட்டு சொல்ல வேண்டிய விவரம் என்னன்னா, சிலர் தன்னுடைய சொந்த விவரங்களை சொல்றதா நெனச்சிட்டு, பெற்றோர், கல்யாண விவரம், இரத்த வகை எல்லாம் போடுவாங்க. அதனால, உங்க தகுதியில எந்த மாற்றமும் ஏற்பட போறது இல்ல, உங்க CV-யில கொஞ்சம் இடத்தை அடைக்கிறதை தவிர. 

Do not include any further personal details including martial status, gender, nationality as this does not add any value and may impede your application.  You should use Arial or similar business font and the size should be 10.5 or 11.


PROFILE - தகுதி விவரங்கள் 

இந்த பகுதியில அந்த குறிப்பிட்ட வேலைக்கு உதவும் படியான உங்க படிப்பு, கூடுதலா ஏதாவது கோர்ஸ் எதாவது படிச்சிருந்தா அந்த விரங்கள், ஏதாவது டிரெய்னிங் பண்ணியிருந்தா அந்த விவரங்களை சுருக்கமாவும், அதே சமயம் அழகா புரியும்படியாவும் சொல்லணும். வேலை வழங்குனர்கள் இந்த பகுதியை படிக்கும் போதே நீங்க இந்த குறிப்பிட்ட வேலைக்கு தகுதியானவர் அப்படின்னு நெனக்கும்படியா இருக்கணும். 

This section should include a brief history of your career to date, it should include details of the sectors you worked in, and it should also include some of the skills you have used in your career to date.  This section should never be in bullet point format and should be no more thank 8 to 10 sentences long. This is your opportunity to present your unique skill set and the value you bring to a new organisation.   Example of opening section: Accounts Assistant with experience demonstrated in the manufacturing sector. 

KEY ACHIEVEMENTS - சாதனைகள்

உங்க படிப்புலயோ அல்லது உங்க முன் வேலை அனுபவத்துல அல்லது உங்க டிரெய்னிங் நேரத்துல நீங்க அடைஞ்ச/செய்த குறிப்பிடத் தகுந்த சாதனைகள், பாராட்டுக்கள் - அதுக்கான சான்றிதல் மாதிரியான ஆதாரங்கள் இருந்தா மட்டும் பத்தி பத்தியா எழுதாம, சிறு சிறு வரிகளில் வரிசை எண் போட்டு அல்லது ''புல்லட் பாயின்ட்'' போட்டு இங்க குறிப்பிடலாம். 
  • This section should include a list of 4-8 achievements using the STAR method and should be presented in bullet point format. 
  • You should include details of a situation you were involved in that resulted in a positive outcome for your employer.  You should describe the tasks involved in that situation, talk about the various actions taken and the results relating to the actions taken.  
Employers want to know that you have solved problems similar to theirs and that you achieved the results for which they are looking. 
Example: Reduced debtor days from 60 to 45 with the implementation of formal credit control processes. 

EMPLOYMENT EXPERIENCE - வேலை முன் அனுபவ விவரங்கள்

வேலை முன் அனுபவங்கள் எழுதும்போது கவனிக்க வேண்டியது  - எப்பவுமே தற்போதைய செய்துக்கொண்டிருக்கும் வேலை அல்லது கடைசியா செய்துக்கொண்டிருந்த பத்தின விவரங்களில் இருந்து தான் ஆரம்பிக்கணும். அதேப்போல எல்லா விவரங்களிலும் வேலை செய்த நிறுவனம், முகவரி, வேலை செய்த மொத்த கால அளவு, உங்க பதவி, நீங்க வகித்த பொறுப்புகள் எல்லாமே முறையா குறிப்பிடணும். 

புதுசா வேலை தேட ஆரம்பிக்கறவங்களுக்கு முன் அனுபவம் இருக்காது. ஆனா, ஏதாவது விண்ணப்பிக்கிற துறை அல்லது குறிப்பிட்ட வேலை சம்பந்தப்பட்ட டிரெய்னிங் அல்லது ஏதாவது கோர்ஸ், டிப்ளமோ உங்க பட்டப்படிப்பு இல்லாம அதிகப்படியா, தனிப்பட்ட முறையில செய்திருந்தா அதை இங்க குறிப்பிடலாம்.

மிக முக்கியம், தவறான தகவல்கள் தருவதை தவிர்க்கணும். தற்காலத்தில் நிறுவனங்கள் தங்களுக்குள் எப்போதும் தொடர்பில் இருப்பதையும், ஒரு சிறு மின்னஞ்சல் மூலமே உங்க தகவல்களை சரிபார்க்க முடியும் என்பதையும் மறந்து விட வேண்டாம். 

Remember you should start with your most recent employment first and work backwards.  If you have had a period of unemployment then you should include details of training/voluntary work.                                         

Title Held, Name of Company                                                                Dates/Year  of employment
  • Insert further details of your key duties and responsibilities.  Remember to use active verbs including sold, solved performed etc..
EDUCATION & TRAINING - கல்வி தகுதி விவரங்கள் 

இங்கேயும் நீங்க கடைசியா முடிச்ச, உங்க அதிகப்பட்ச படிப்பு முதல்ல சொல்லணும். அதோட, பல்கலைக்கழகம், வருடம், மதிப்பெண் விழுக்காடு அல்லது கிரேடு முதலியவை தவறாமல் குறிப்பிட வேண்டியவை. 

சில சமயம் பெரிய வேலைக்கு நீங்க தகுதியானவர் அப்படின்னு உங்களுக்கு தோணுது, அதற்கான திறமைகள், முன் அனுபவம் இருக்கு, ஆனா கல்வி தகுதி இல்லை அப்படிங்கிற நிலமையில நீங்க கண்டிப்பா விண்ணப்பிக்கலாம். தற்காலத்தில் மிகப்பெரிய நிறுவனங்கள் தகுதி, திறமை, முன் அனுபவத்திற்கே முன் உரிமை அளிப்பதையும், கல்வி தகுதி இரண்டாம் பட்சம் தான் என்பதையும் மறந்து விட வேண்டாம். ஆனா இது நீங்க அந்த வேலைக்கு தகுதியானவர் என்ற சூழ்நிலைக்கு மட்டும் பொருந்தும்.

List any qualifications gained
University Name, dates (if applicable)

List any qualifications gained
College Name dates (if applicable)

List qualifications gained (do not include GCSE results if you have a Degree qualification)
School Name: dates (if applicable)

Employers will always review the education section.   Include details of the qualifications and training you do have.  If you are concerned about your lack of qualifications don't worry, many highly regarded business professionals do not have academic qualifications.   Employers generally value experience over education.

CORE SKILLS - திறமைகள் 

எல்லாருக்குள்ளவும் ஒரு திறமை இருக்கும்னு சொல்வாங்க. உங்க கிட்ட இருக்கிற திறமைகள், முக்கியமா நீங்க விண்ணப்பிக்கிற வேலைக்கு சம்பந்தம் இருந்தா மட்டும் நீங்க குறிப்பிடலாம். ஏதாவது ஒரு இயந்திரத்தை திறமையா இயக்க தெரிஞ்சிருக்கலாம், அல்லது ஏதாவது ஒரு மென்பொருள் கையாள தெரிஞ்சிருக்கலாம். அதெல்லாம் தவறாம குறிப்பிட வேண்டிய பகுதி இது.
  • Include details of all skill you have to offer potential employers.
 Example: IT Skills: Microsoft Office: Word, Excel, PowerPoint, Outlook and Explorer
 Example: Well developed analytical and numerical ability.

INTERESTS - தனிப்பட்ட விருப்பங்கள்

உங்க தனிப்பட்ட விருப்பங்கள் சொல்ல வேண்டிய பகுதி. அதுக்காக நல்லா பேசுவேன், பார்ட்டிக்கு போவேன்னு எல்லாம் சொல்லாம, பாடுதல், படம் வரைய தெரியும், நல்ல எழுத வரும் இந்த மாதிரி உங்க மேல ஒரு மரியாதை வரும்படியான விருப்பங்களை சொல்லலாம். 
Include brief details of interests if you have the space on your document however avoid phrases including 'socialising', 'partying' etc.

REFERENCE AVAILABLE ON REQUEST - சிபாரிசு 

உங்களை, உங்க வேலை செய்யும் திறமைகளை, நல்லா தெரிஞ்ச ஒருத்தர் அதுவும் அதே துறையில இருக்கிற ஒரு பிரபலம் - அவரோட முகவரி இதெல்லாம் சேர்த்தா அது இன்னும் உங்க CV க்கு ஒரு மரியாதையை கொடுக்கும். ஆனா, இதை வேலை வழங்குனர் கேக்கும் போது குடுத்தா போதும்.

Privacy and identity theft have become an issue in recent years and it is best to protect the details of your referees, do not include their contact information on your CV.  Employers don't need this information within the early stages of the recruitment process. 

இதோட இந்த CV மாதிரி முடியிது. 



இந்த CV மாதிரிகள்  எப்பவுமே பார்க்க ஒரே மாதிரி இருக்கிற மாதிரி இருக்கும். ஆனா, கொஞ்சம் கவனமா பார்த்த தான், சின்ன சின்ன மாற்றங்கள் தேவைக்கு ஏத்த மாதிரி சொல்லியிருக்கறது தெரியும். அதனால, CV மாதிரிகள் வேணும்னு நெனக்கிறவங்க கண்டிப்பா உங்க தேவைக்கான மாதிரிகளை கவனமா தேட வேண்டியது அவசியம். வேலை தேடிட்டு இருக்கறவங்க உபயோகப்படுமான்னு பாருங்க. பின்னூட்டம் போடுங்க. அடுத்த பதிவுல சிந்திப்போம்.

Wednesday, June 12, 2013

வரவேற்கிறோம்...!!!

மக்களே...!!!

நம்ம உயிர்நுட்பம் வலைப்பூவுல வரவேற்கிறோம் அறிவிப்பு போட்டு ரொம்ப நாள் ஆயிடுச்சி. புது நண்பர்கள் நம்ம வலைப்பூ குழுவுல சேரும்போதெல்லாம் அவங்களை வரவேற்று உடனடியா அறிவிப்பு போடறது உயிர்நுட்பம் வலைப்பூவோட வழக்கம். பின்னாடி, வேலைப்பளு அதிகமாக அதிகமாக இது நின்னு போயிடுச்சி. தவறு என்னோடது தான். நண்பர்கள் மன்னிக்க. இனிமே, வரவேற்பு அறிவிப்புகள் தவறாம இடம் பெறும். 

இப்போ, நம்ம வலைப்பூவோட புது நண்பர்கள், 

1. கார்த்திக் துரைசாமி
2. நளினி திருநாவுக்கரசு 
3. ஆத்மஜா AR 
4. செழியன் RS 
5. திண்டுக்கல் தனபாலன் 
6. மணி 
7. துலாபாரம் 
8. ஐ ஆம் இன் இன்டர்நெட் 
9. நந்தகுமார் D 
10. ஜெஸ்ஸி ஜூலியா 
11. வினோத் M 
12. வேல்முருகன் செல்வராஜ் 
13. வெண்ணிலா கவிதைகள் 
14. சக்திவேல் 
15. கோபி 
16. பத்மநாபன் 
17. குப்பு

எல்லாரும் நம்ம பதிவுகளை தவறாம படிங்க, மறக்காம பின்னூட்டம் போடுங்க. ஆகியோரை நம்ம உயிர்நுட்பம் வலைப்பூ மற்றும் நண்பர்கள் சார்பாக வரவேற்கிறோம்.