மக்களே...!!!
இன்னைக்கு பதிவு ஆர்க்கியே பேக்டீரியா செல் சுவர் அமைப்பு பத்தின பதிவுக்கு தொடர்ச்சி. போன பதிவுல D வகை L வகை அமினோ அமிலங்களை பத்தி சொல்லியிருந்தேன். அதுக்கான விளக்கம் தான் இன்னைக்கு பதிவு. பதிவுக்கு போகலாமா?
D - வகை மற்றும் L - வகை அமினோ அமிலங்கள்- D- AND L- FORM AMINO ACIDS - அறிமுகம்
நம்ம உடல்ல இருக்கிற, அதாவது
செல்லுல இருக்கிற எல்லா புரோட்டீன்களும் அமினோ அமிலங்களால் ஆனது. அமினோ அமிலம் அப்படிங்கறது ஒரு வேதி பொருள் இன்னும் சொல்லப்போனா கரிம வேதி பொருள். இந்த அமினோ அமிலங்கள் ஒண்ணுகொண்ணு இணைஞ்சி நீளமா செயின் மாதிரி உருவாகி, அதுக்குன்னு கொடுக்கப்பட்ட வேலையை செய்ததுன்ன்னா அது தான்
புரோட்டீன். (இதுல புரோட்டீன் அப்படிங்கறது ஆங்கில சொல். புரதம் அப்படிங்கறது புரோட்டீன் அப்படிங்கற ஆங்கில சொல்லுக்கு இணையான, சரியான தமிழ் சொல். ஆனா பேசவும், படிக்கவும், புரிஞ்சிக்கவும் வசதியா இருக்குமேன்னு புரோட்டீன் அப்படின்னே சொல்லுவோம்)
இந்த
அமினோ அமிலம் அப்படிங்கறது ஒரு கார்பன் மூலக்கூறுல (C) ஒரு ஹைட்ரஜன் (-H), ஒரு அமில மூலக்கூறு (-COOH), ஒரு கார மூலக்கூறு அல்லது அமினோ மூலக்கூறு (
-NH2 )அது இல்லாம ஒரு வேலை செய்யும் திறனுள்ள, ஒரு அடையாள, வேதி மூலக்கூறு (மொத்தம் உள்ள இருபது அமினோ அமிலத்துக்கும் தனி தனியா இந்த அடையாள மூலக்கூறு இருக்கு. அதனால, இதை பொதுவா R குரூப் அப்படின்னு சொல்லுவோம்) இணைஞ்ச வேதி பொருள். R குரூப் தவிர மத்த மூணு மூலக்கூறுகளும் எல்லா அமினோ அமிலங்கள்லயும் பொதுவா இருக்கும். நம்ம செல்லுல இருக்கிற மொத்த புரோட்டீன்களும் இருபது விதமான அமினோ அமிலங்கள் கலந்து உருவானது. இதையெல்லாம் நம்ம
அமினோ அமிலங்கள் பதிவுல முன்னாடியே பார்த்திருக்கறோம்.
இப்போ, நம்ம விசயத்துக்கு வருவோம். அமினோ அமிலத்துல மொத்தம் இருக்கிற நாலு விதமான மூலக்கூறுகள்ல கார மூலக்கூறு அல்லது அமினோ மூலக்கூறு தான் இப்போ நாம கவனிக்க வேண்டிய ஒன்னு. ஒரு அமினோ அமிலத்துல உள்ள கார அல்லது அமினோ மூலக்கூறு வலது பக்கமா இருந்தா அது D - வகை அமினோ அமிலம். அதுவே கார அல்லது அமினோ மூலக்கூறு இடது பக்கமா இருந்தா அது L - வகை அமினோ அமிலம். ஆனா, அமினோ அமிலத்துல இந்த கார மூலக்கூறு வலது பக்கமா இருக்கா இடது பக்கமா இருக்கான்னு எப்படி தெரிஞ்சிக்கறது? ஒரே ஒரு அமினோ அமில மூலக்கூறை தனியா பிரிச்செடுத்து அதுல இருக்கற அமினோ மூலக்கூறு எந்த பக்கம் இருக்குன்னு பார்க்கிற அளவுக்கு நாம இன்னும் வளரல.
இதை எப்படி பார்க்கறதுன்னா, ஒரு தள முனைவுற்ற ஒளி கற்றையை (POLARIZED LIGHT) ஒரு அமினோ அமிலத்தை தண்ணீர்ல கரைச்சி, அந்த கரைசல் வழியா செலுத்தினா, கரைசலுக்குள்ல போகும் இந்த ஒளி கற்றையோட மின் காந்த அலைகள் இந்த அமினோ மூலக்கூறு இருக்கிற பக்கத்தை பொறுத்து, மறு பக்கம் வெளிய வரும்போது வலது அல்லது இடது இப்படி ஏதாவது ஒரு பக்கம் திரும்பி அதிவுறும். அதை வெச்சி சொல்லிடலாம்.
அதென்ன POLARIZED LIGHT - தள முனைவுற்ற ஒளி...? இன்னொரு கேள்வி வருது இல்லையா...? ஒரு சாதாரண ஒளி கற்றை (சாதாரண டார்ச் லைட் வெளிச்சம் தான்) எடுத்து அதை குறுக்கு வாட்டுல வெட்டி பார்த்தா, அதனோட மின்காந்த அலைகள் (PHOTONS) ஒளி பாயும் நேர்கோட்டுக்கு செங்குத்தா, அதே சமயம் எல்லா திசையிலயும், அதிர்வுருவதை பார்க்கலாம். அதுவே தள முனைவுற்ற ஒளி (POLARIZED LIGHT) அப்படின்னா அதனோட மின்காந்த அலைகள் (PHOTONS) ஒளி பாயும் நேர்கோட்டுக்கு செங்குத்தா, ஆனா அதேசமயம், ஏதாவது ஒரு குறிப்பிட்ட திசையை நோக்கி (இங்க மேலும் கீழும் நோக்கி) அதிர்வுறும். ஒரு சாதாரண ஒளியை தள முனைவுற்ற ஒளியா மாத்தக்கூடிய அளவுக்கு சில ஊடகங்கள் நம்ம கிட்ட இருக்கு. உதாரணம், நிக்கல் முப்பட்டகம் - NICKEL PRISM . ஒரு சாதாரண ஒளியை இந்த முப்பட்டகத்து வழியா செலுத்தினா, மறுபக்கம் வரும்போது தள முனைவுற்ற ஒளியா மாறி வரும். இப்படி வெளிய வரும் ஒளி பாயும் வழியில அமினோ அமில கரைசலை வெச்சி, கரைசலோட மறுபக்கம் வெளிய வரும் ஒளியோட மின் காந்த அலைகளை சோதிச்சி பார்த்தா, அது அமினோ குரூப் இருக்கும் பக்கத்தை பொறுத்து வலது பக்கமோ அல்லது இடது பக்கமோதிரும்பி அதிவுருவத பார்க்கலாம். அதை வெச்சி அந்த அமினோ அமிலம் L - வகையா அல்லது D - வகையா அப்படின்னு தெரிஞ்சிக்கலாம்.
அது ஓரளவுக்கு புரிஞ்சிருக்கும்ன்னு நெனக்கிறேன். மறுபடியும் படிச்சி பாருங்க. சந்தேகத்துக்கு விளக்க படங்களை எடுத்து பாருங்க. பதிவு நீளமா போயிட்டதால, ஆர்க்கியே பேக்டீரியாவோட செல் சுவரை பத்தின மற்றொரு புது தகவலோட மறுபடியும் சந்திக்கறேன்.
